Framhaldsnámskeið Aðalbrautar
Nú líður að því að framhaldsnámskeið Aðalbrautar byrji eins og alltaf á þessum árstíma. Bætt hefur verið við þeirri nýjung að bjóða upp á vornámskeið sem er ódýr leið til að liðka sig aðeins fyrir sumarið um leið og maður fær góðar ábendingar hjá reyndum bifhjólakennara. Malbiks- og malarnámskeiðum hefur verið skipt upp og þarf nemandinn að hafa lokið framhaldsnámskeiði 1 til að geta tekið þátt í framhaldsnámskeiði 2. Bifhjólakennsla Aðalbrautar er rekin af Njáli Gunnlaugssyni, ökukennara frá Kennaraháskóla Íslands. Njáll hefur langa reynslu af bifhjólakennslu og akstri bifhjóla en hann hefur ekið mótorhjólum af öllum stærðum í meira en aldarf

Góðar fréttir
Slysum þar sem bifhjól koma við sögu fækkar umtalsvert árið 2009 borið saman við árið 2008. Þetta kemur m.a. fram í slysaskýrslu Umferðarstofu fyrir árið 2009. Heildarfjöldi slasaðra og látinna fer úr 107 niður í 89 en þetta er 16,8% fækkun. Í þessum tölum er samanlagður fjöldi lítið slasaðra, alvarlega slasaðra og látinna sem voru á léttum og þungum bifhjólum. Árið áður hafði hinsvegar samanlagður fjöldi slasaðra og látinna bifhjólamanna fjölgað um 18,9%. Það hefur því náðst umtalsverður árangur í fækkun bifhjólaslysa. Það má ætla að fækkun slysa á bifhjólamönnum er fyrst og fremst því að þakka að betri ökumenn eru n

Með rísandi sól
Kynningarefni fyrir: Meistaraverkefni í verkefnastjórnun Háskóli Íslands vor 2010 Meistaranemi: Þórdís Rafnsdóttir Leiðbeinandi: Runólfur S. Steinþórsson prófessor Á næstunni mun meistaranemi í verkefnastjórnun (MPM) við Háskóla Íslands vinna meistaraverkefni sitt. Viðfangsefnið er hinn íslenski bifhjólavettvangur – kortlagning vettvangs og hönnun skipulagslíkans sem endurspeglar hagsmuni, gildi og framtíðarsýn hins íslenska bifhjólamanns. Hverjir, hvar og hvernig eru íslenskir bifhjólamenn? Hverjir eru hagsmunir þeirra, gildi og framtíðarsýn? Hvernig sér íslenskt bifhjólafólk vettvanginn þróast til fra

Er Hlífðarfatnaðurinn þinn CE merktur ?
Samkvæmt drögum að nýjum umferðarlögum er verið að skylda mótorhjólfólk á Íslandi til að nota staðlaðan hlífðarfatnað. Þarf allur gallinn þá að vera með CE merkingum sem þýðir einfaldlega að hann standist ákveðnar gerðir prófana, ef framleiðandi vill merkja hann þannig. Þetta eru Evrópureglur þannig að gallar framleiddir fyrir önnur markaðssvæði eru oftar en ekki án CE merkinga. Á Íslandi er löng og góð hefð fyrir notkun hlífðarfatnaðar og er Ísland líklega síðasta landið sem að þarf á slíkum lögum að halda. Norðmenn settu á svona lög fyrir nokkrum árum en drógu svo þá lagasetningu til baka þar

LÍM dagurinn
Föstudaginn 28 ágúst munum við stefna mótorhjólamönnum niður í miðbæ Reykjavíkur kl 19:00, þar verða stutt ræðuhöld þar sem LÍM, Landsamband Íslenskra Mótorhjólaklúbba, verður kynnt. Eftir það verða tónleikar þar sem nokkrar hljómsveitir sem tengjast mótorhjóla-menningu stíga á stokk. Þar munu spila Stormur í aðsigi, Chernobil og Sniglabandið. Kastljós verður með beina útsendingu frá viðburðinum milli kl. 19:00 og 19:30, og er þetta því kjörið tækifæri til að láta þjóðina sjá samstöðu mótorhjólafólks á Íslandi. Þeir sem geta mætt á hjólum, endilega gerið það! Búið verður að loka götunum í kring um Ingólfstorg kl 19:00 fy

Tilkynning vegna Yamaha umboðsins.
Arctic Trucks hefur tekið yfir umboð fyrir Yamaha á Íslandi. Arctic Trucks verður með Yamaha tæki til sýnis og sölu í verslun sinni, auk þess að bjóða varahluta- og viðgerðarþjónustu. Þessa dagana er unnið að því að breyta verslun Arctic Trucks við Klettháls og einnig er uppsetning verkstæðis í fullum gangi. Unnið er að því að koma upp varahlutalager auk þess sem sérpantanir á varahlutum og tækjum hafa þegar hafist. Arctic Trucks hefur ráðið til sín þrjá starfsmenn sem störfuðu fyrir Yamaha hjá Mótormax, þá Ísleif Þorbjörnsson, Stefán Hjaltalín Jóhannesson og Björgvin Svein Stefánsson en þeir munu verða í farar